Hlekkur 9

Þemaverkefni

Þjórsá

Næstu vikur – fram að árshátíð og páskafríi leggjum við áherslu á Þjórsá og Þjórsárdal.

Nálgumst viðfangsefnið frá ýmsum hliðum.

5., 6. og 7. bekkur vinna ýmis verkefni og er mikil samvinna við Þjórsárskóla í gangi.  Þau munu öll fara saman í ferð þriðjudaginn 2. mars upp í Þjórsárdal.

8. og 9. bekkur leggja áherslu á jarðfræði Þjórsár fyrstu vikuna, aðra viku er Þjórsá tengd líffræðinni og þriðju vikuna eðlisfræði.

10. bekkur er byrjaður í samvinnuverkefni í náttúrufræði og samfélagsfræði sem tengist Þjórsárdal/Þjórsá.  Verkefnið er rannsóknarverkefni sem þau vinna í 4 manna hópum.  Það koma gestir í heimsókn og svo er áætluð vettvangsferð í Þjórsárdal og inní virkjanir fimmtudaginn 11. mars.  Ef vel gengur verða svo kynningar fyrir foreldra og aðra gesti í lokin.

Í þessum hlekk höfum við fengið góðan liðsmann.  Kennaraneminn Hildur Lilja Guðmundsdóttir úr Eystri-Hrepp er nú á síðasta ári í kennaranámi og mun stýra kennslu hjá sumum bekkjum og verða til aðstoðar hjá öðrum.  Auk þess æfir hún nú umsjón í 6. bekk.