12. maí – 9. bekkur

Útikennsla í skóginum.

Við verðum í skóginum í dag.

• Tæmum hryggleysingja – gildrurnar okkar.
• Kíkjum á innihaldið – rifjum upp frá síðasta tíma – liðdýr, skordýr, áttfætlur, fullkomin myndbreyting, ófullkomin myndbreyting, meyfæðing o.s.frv.
• Skoðum í víðsjá og greinum og flokkum.
• Tengjum við vistfræði – fæðukeðjur og fæðuvefi, frumbjarga og ófrumbjarga lífverur.
• Kveikjum í eldstæði.  Helga Teits mætir með brauðdeig og fyllingar,  epli og sósur.  Við  bökum, skerum, grillum og borðum saman.
• Segjum sögur og förum í minnisleik.

Vonandi mæta allri vel búnir – gæti skúrað í dag.

Hittumst hress og kát,

Gyða Björk.

10. maí – 9. bekkur

Dagskráin í dag:

Skoðum dagan fram að sumarfríi.

Ræðum nýjar fréttir af gosi og öðru markverðu.

Stuttur fyrirlestur um liðdýr.  Skoðum frábærur glærur frá Guðfinnu í FÁ.  Berum saman skordýr og áttfætlur.

Skoðum myndir þessu tengdar.

6. maí – 9. bekkur

Verðum úti í blíðunni. 

Greinum barrtré – kíkjum á skordýragildrur – fræðsla og leikir.

5. maí – 9. bekkur

Við byrjum kennslustund inni

• skoðum fréttir.
• rifjum upp hugtök og bætum nýjum við á kortið.
• kíkjum á nemendablogg.

Færum okkur út

• verkefnavinna tengd námsefninu.
• komum fyrir skordýragildrum – undirbúningur fyrir næstu viku.
• sögustund og leikur í lok tíma.

3. maí – 9. bekkur

Fyrirlestrartími í dag.  Rifjum upp flokkun einfruma lífvera bæði dreifkjörnunga og heilkjörnunga.  Bætum við hugtakakortið og byrjum á svepparíkinu.  Glósur um sveppi.

Berserkjasveppurinn (Amanita muscaria)

• Gródreyfing sveppa – mesta hröðun mæld í náttúrunni!
• Góðar glósur frá FÁ
• Vísindavefurinn um sveppi.

Skoðum nýjar fréttir af gosi.  …af mbl.is og vef veðurstofunnar

Nýjasta nýtt um hrossgaukinn af Journal of Experimental Biology.

Myndband af hrossagauksfjöður, blaktandi í vindi, má sjá á vef BBC.

Og svo hunangsfluga að lenda

Kíkjum á nemendablogg

29. apríl – 9. bekkur

Útikennsla – lífríkin fimm

28. apríl – 9. bekkur

Tilraun í dag fyrir þá sem ekki eru að tefla á Halldórsmótinu.  Við skoðum frumverur í smásjá – sýnataka úr Litlu Laxá, Hellisholtalæk og rökum jarðvegi.

26. apríl – 9. bekkur

Þessa viku verður til umfjöllunar fjölbreytilegt ríki lífvera sem kallast

frumverur

Frumverur eru eitt af ríkjunum fimm.  Þær eru skilgreindar þannig að þær séu einfruma lífverur með frumukjarna.

Sumar eru ófrumbjarga og aðrar frumbjarga.  Jafnvel getur sama lífveran verið stundum  ófrumbjarga og stundum frumbjarga. Sumar frumverur eru sníklar og valda hýslinum skaða.

Þetta er því mjög fjölbreytilegur hópur lífvera

Fyrirlestrartími í dag þar sem verða afhentar glósur og unnin skrifleg verkefni.

21. apríl – 9. bekkur

Stutt en ekki svo létt könnun úr námsefni síðustu vikna.  Kíkjum á blogg og verðum í  tölvuveri hluta af tímnum.  Margar flottar færslur hjá nemendum þessar vikur – gott hjá ykkur. Skoðum jarðfræðivef námsgagnstofnunar – mæli sérstaklega með þessari mynd .  Þeir sem eru á eftir með heimanámið fá tíma til yfirbóta, hinir nýta tímann og skoða fréttir af eldgosinu.  Þetta innlegg sem Sylvía Anna setti inn á sitt blogg er sniðugt.

Takk fyrir veturinn  -  gleðilegt sumar.

Nú glæðast lífsins gæði,

mín góða vina hér,

nú syng ég sumarkvæði,

því sumarið komið er,

sem unað öllu gefur svo andinn fer á kreik,

og Harpa vakið hefur sinn hörpustrengjaleik.

Og þá er bara að smella á þessa krækju og hlusta á lagið.

Blogg og könnun – 9. og 10. bekkur

Gosmökkurinn úr Eyjafjallajökli á laugardagskvöld (ljosmyndakeppni.is)

Muna eftir að blogga um gosið í Eyjafjallajökli og tengja við fróðleik um eldingar og eituráhrif öskunnar fyrir dýr.

Næsta miðvikudag stutt könnun úr námsefni hlekksins.  Þið þurfið að lesa vel yfir glósur og skoða bloggsíðuna.

Áhersluatriði eru:

• Staðreynd – ráðgáta – tilgáta- tilraun- breyta-lögmál.
• Eðli orkunnar.  Orka – vinna.
• Myndir orkunnar.  Lögmál um varðveislu orku.
• Mælingar á orku.
• Sameindir – hreyfing þeirra – hitastig
• Varmaorka – eðlisvarmi
• Varmaflutningur (vamaleiðing, varmaburður, varmageislun)
• Hiti og varmi
• Hitaþensla
• Einangrun
• Ísland og jarðvarmi
• Gos og eldingar
• Gos og eiturefni
• Flúor – áhrif á menn og skepnur