20. maí – 5. 6. og 7. bekkur

Þá er hefðbundinni kennslu í náttúrufræði lokið og við taka skógardagar og ferðalög í næstu viku.  Ég vil þakka öllum fyrir samstarfið í vetur og hafið það sem allra best í allt sumar.  Sjáumst svo hress aftur í  haust.

18. maí – 6. bekkur

Nemendur unnu áfram í veðurbókunum sínum.  Flestir eru langt komnir en eiga þó eftir nokkrar blaðsíður.  Lokaskil á bókum er 20. maí og þá þurfa nemendur að vera búnir með merktar blaðsíður.

Upplýsingar um efnið er hægt að nálgast hér.

10. maí – 6. bekkur

Nemendur kláruðu veggmyndirnar um veður og veðurfar.

Við notum sem fyrr vefinn veður og veðurfar og stjörnufræðivefinn.

4. maí – 6. bekkur

Í dag unnu nemendur í veggmyndunum sínum.  Við klárum þær í næstu viku.

Verkefnin eru;

• Skýstrókar og fellibyljir
• Veður og veðurfar
• Ský og úrkoma
• Lægðir og hæðir
• Þrumur og eldingar

Myndirnar fara svo upp á vegg í náttúrufræðistofunni.

3. maí – 6. bekkur

Í dag byruðu nemendur að vinna veggspjöld um veðrið. Við notum vefinn um veður og veðurfar til upplýsinga.

27. apríl – 6. bekkur

Í dag fengu nemendur vinnubækur um veðrið.  Við notuðum fyrri hluta tímans til þess að fara yfir ýmis hugtök sem tengjast veðri og í seinni hlutanum unnu nemendur í veðravinnubækurnar sínar.  Nemendur leita sér upplýsinga á veraldarvefnum, mest á veður og veðurfar og stjörnufræðivefnum.

26. apríl – 6. bekkur

Í dag byrjuðum við að læra um veður.  Nemendur fengu glærur en við notum vef sem heitir veður og veðurfar  og  Stjörnufræðivefinn til þess að þar leita okkur upplýsinga um efnið.

20. apríl – 6. bekkur

Í dag var stöðvavinna þar sem áherslurnar eru á varmaflutning.  Við kláruðum þær stöðvar sem ekki náðist að klára í síðustu viku. 

Könnun í lok tímans.

19. apríl – 6. bekkur

Við byrjuðum á því að fjalla um eldgosið í Eyjafjallajökli.  Í seinni hluta tímans var fyrirlestur um varmaflutning og glærurnar getið þið nálgast hér.

13. apríl – 6. bekkur

Í dag var stöðvavinna og voru sex stöðvar í boði.  Áherslan var á

• massa og þyngd
• hitastig °C
• samband ml og cm3
• mismunandi hreyfingu sameinda við mismunandi hitastig.
• varðeislu massans
• svara spurningum úr efni gærdagsins