20. maí – 5. 6. og 7. bekkur

Þá er hefðbundinni kennslu í náttúrufræði lokið og við taka skógardagar og ferðalög í næstu viku.  Ég vil þakka öllum fyrir samstarfið í vetur og hafið það sem allra best í allt sumar.  Sjáumst svo hress aftur í  haust.

12. maí – 5. bekkur

Nemendur kláruðu að búa til skógarbækurnar sínar í dag en það var ekki mikið unnið af verkefnum.  Sumir náðu þó að teikna og skrifa um fugl/fuglana í skóginum.

10. maí – 5. bekkur

Nemendur héldu áfram að vinna í skógarbókina sína.  Við fundum fullt af smádýrum í síðustu viku og nemendur leituðu upplýsinga um þau, teiknuðu og skráðu niður.  Við notum vef námsgagnastofnunar um smádýrin á landi og smádýrin í vatninu.

3. maí – 5. bekkur

Nemendur byrjuðu í skógarbókunum sínum í dag.  Þeir teiknuðu og skrifuðu um það sem við gerðum og fundum síðastliðinn miðvikudag í skóginum.

28. apríl – 5. bekkur

Við byrjuðum á því að fara út í skóg og setja upp skordýragildrur.  Nemendur fundu sér stað sem þeir ætla að rannsaka næstu vikurnar og við tókum með okkur sýnir upp í náttúrufræðistofu sem við rannsökuðum í víðsjá og með stækkunarglerum.

26. apríl – 5. bekkur

Í dag byrjuðum við á undirbúning undir vinnu við skógarbók og rannsóknarvinnu í skóginum.  Ég sýndi nemendum námvefi sem við notum mikið til þess að grein plöntur, skordýr og fugla.  Vefir sem við notum eru;

• Íslensku plönturnar – búsvæði
• lífsferlar í náttúrunni
• Greiningarlykar um smádýr í vatni og á landi
• Fuglavefurinn

19. apríl – 5. bekkur

Við byrjuðum á að fjalla um eldgosið í Eyjafjallajökli svo var ég með fyrirlestur um rafmagn og segla.  Nemendur fengu glærur sem hægt að nálgast hér.

14. apríl – 5. bekkur

Í dag unnu nemendur á sex mismunandi stöðvum  sem allar tengdust rafmagni á einhvern hátt.

12. apríl – 5. bekkur

Í dag var fyrirlestur um rafmagn.  Glærurnar finnið þið hér.

26. mars – 5. 6. 7. og 8. bekkur

Síðastliðin vika fór að miklu leyti í að undirbúa árshátíð skólans.  Ég vil hins vegar benda þeim nemendum á sem hafa áhuga að fylgjast með eldgosinu á Fimmvörðuhálsi að hér er nýr vefur þar sem hægt er að fylgjast með því sem er að gerast.

Mynd tekin af vef ruv: Eldgos í Fimmvörðuhálsi http://www.ruv.is//frett/eldgos-i-fimmvorduhalsi