23. apríl – 10. bekkur

Vegna röskunar á kennsluáætlun á miðvikudaginn verður könnun úr námsefninu í stærðfræðitímanum í dag.

Gangi ykkur vel,  kveðja Gyða Björk

21. apríl – 10. bekkur

Stutt en ekki svo létt könnun úr námsefni síðustu vikna.  Skoðum frábærar bloggfærslur 10. bekkinga og ræðum skipulag næstu vikurnar fram að lokaprófi.

Skipulagið  breyttist – við fengum  fíkniefnafræðslu hjá Ingvari lögreglumanni í tímanum í dag.

Könnun úr 10. hlekk frestast til föstudags.

Takk fyrir veturinn  -

gleðilegt sumar.

Nú glæðast lífsins gæði,

mín góða vina hér,

nú syng ég sumarkvæði,

því sumarið komið er,

sem unað öllu gefur svo andinn fer á kreik,

og Harpa vakið hefur sinn hörpustrengjaleik.

Og þá er bara að smella á þessa krækju og hlusta á lagið.

Blogg og könnun – 9. og 10. bekkur

Gosmökkurinn úr Eyjafjallajökli á laugardagskvöld (ljosmyndakeppni.is)

Muna eftir að blogga um gosið í Eyjafjallajökli og tengja við fróðleik um eldingar og eituráhrif öskunnar fyrir dýr.

Næsta miðvikudag stutt könnun úr námsefni hlekksins.  Þið þurfið að lesa vel yfir glósur og skoða bloggsíðuna.

Áhersluatriði eru:

• Staðreynd – ráðgáta – tilgáta- tilraun- breyta-lögmál.
• Eðli orkunnar.  Orka – vinna.
• Myndir orkunnar.  Lögmál um varðveislu orku.
• Mælingar á orku.
• Sameindir – hreyfing þeirra – hitastig
• Varmaorka – eðlisvarmi
• Varmaflutningur (vamaleiðing, varmaburður, varmageislun)
• Hiti og varmi
• Hitaþensla
• Einangrun
• Ísland og jarðvarmi
• Gos og eldingar
• Gos og eiturefni
• Flúor – áhrif á menn og skepnur

19. apríl – 10. bekkur

Klárum varmakaflann – einangrun, þensla og hitastýring.  Varmaskipti ofl.

Rifjum upp rafmagn og ræðum eldgos og eldingar.

Ef tími vinnst til fræðumst við um kjarnorku.

• Hvað segja almannavarnir um eldgos?
• Hvaða áhrif hafa eldgos á dýr?………… og meiri fróðleikur um það

• Flúor
• Flúormengun og menn

• RUV – aska undir Eyjafjöllum
• RUV – eldgos – gosmökkur – eldingar
• Eldingar á laugardag s.l.
• Hvernig myndast þrumur og eldingar?
• Eldingarfræðsla FSU

• Hægt er að fylgjast með eldingum kringum Ísland á eldingavefsíðu Veðurstofunnar.
• Hvernig skaða eldingar líkamann og hvernig má reyna að minnka þann skaða?
• Mikinn fróðleik um eldingar er að finna á Lightning and Atmospheric Electricity Research at the GHCC

15. apríl – 10. bekkur

Kíkjum á gosfréttir og að því loknu tekur við stöðvavinna. 

Eftirfarandi í boði:

1. Helstu orkumyndir – útskýrðu og nefndu dæmi.
2. Samanburður celsíus- og kelvinkvarða – breytistuðlar
3. Þáttagreining í tilraunum.
4. Hugtakakort og glósur bragðbætt.
5. Hvaða tilgangi gegnir einangrun?
6. Framkvæmd tilraunar og skekkjugreining.
7. Nýting jarðvarma.
8. Lifandi vísindi – valin stutt grein og gerður úrdráttur – tengt viðfansefni dagsins.
9. Varmi og hiti – hver er munurinn?
10. Hvers vegna er meiri varmi í baðkari fullu af 40°C heitu vatni en í bolla sem inniheldur 70°C heitt kaffi? 
11. Hvernig virkar kæliskápur?
12. Eðlisvarmi.
13. Þensla fastra efna og daglegt líf.
14. Stálull og batterí – hvers vegna er það eldfimt samband?
15. Hreyfingar  sameinda

Sem sagt úrvalið er nóg – vinnið sjálfstætt eða tvö og tvö saman.  Klárið að minnsta kosti 8 stöðvar og skilið niðurstöðum úr tímanum til kennara í lokin.

Gangi ykkur vel.

14. apríl – 10. bekkur

Sambland af fréttum, innlögn og verkefnum í tölvuveri.

Byrjum á umræðu um eldgosið í Eyjafjallajökli skoðum aukafréttatíma RUV .

Vefmyndavél frá Hvolsvelli 

Kíkjum á stutt innlegg frá Bill Nye og bloggsíður nemenda.

Förum yfir áhersluatriði og hugtök.

Verkefni í tölvuveri í seinni hluta tímans.

• Kíkja á valin blogg nemendanna
• sjálfspróf 1
• sjálfspróf 2

12. apríl – 10. bekkur

Fyrirlestrartími í dag.  Glærur um varma.  Rifjum upp og tengjum nýja þekkingu inn á hugtakakort.

Skoðuðum Hummer-hestakerru

Varmi og mannslíkaminn

Árshátíð og páskafrí.

Þessi síðasta vika fyrir páska hefur einkennst af undirbúningi fyrir árshátíð.  Skemmtilegur tími og lifandi í skólanum.

Gleðilega árshátíð og páska.

Sjáumst hress og kát 6. apríl

10. bekkur – 24. mars

Nú er formlega lokið þemaverkefni hjá 10. bekk.  Í dag kláruðum við námsmat – nemendur sjálfsmat bæði einstaklings og hópa, auk þess sem þeir fylltu út viðhorfskönnun sem snéri að frammistöðu kennara.  Takk fyrir samstarfið krakkar, mikið gaman að vinna með ykkur og við Evelyn erum búnar að setja einkunnir  inn á Mentor-vefinn.

Kveðja Gyða Björk.

22. mars – 10. bekkur

Kynning

Nú er að ljúka samvinnuverkefni í náttúrufræði og samfélagsfræði. Vinnan hefur gengið vel og nú er komið að því að skila af sér. Í dag verða síðustu tveir tímarnir notaðir til að kynna afrakstur hópavinnunnar. Hver hópur mun halda stutta kynningu, 10-15 mínútur, þar sem nemendur fara yfir vinnu síðustu þriggja vikna og sýna bloggsíðu sem þau hafa safnað inn á upplýsingum sem tengjast þeirra rannsóknarspurningum.
Kynningin verður í Kvíadal (í sal á neðri hæð í skólahúsnæðinu) og hefst klukkan 13:50.
Gaman væri ef foreldrar gæfu sér tíma til að koma og vera með okkur þessa stund.

Hér eru tengingar inn á bloggsíður sem nemendahópar í 10. bekk hafa unnið.

Gaukur

Granni

Rauðá

Dynkur

Gjáin

Stöng