11. janúar – 6. bekkur

Allir nemendur unnu í skýrslugerð í  dag og undirbjuggu sig undir kynningu á tilraun sem er á morgun.

8. janúar – 8. bekkur

Nemendur kynntu veggspjöldin sín í dag.  Flestum gekk vel og komu vel undirbúnir.  Við fórum líka yfir könnum sem ég lagði fyrir í 4. hlekk um krafta og vinnu.

6. janúar – 9. bekkur

Nemendur fengu afhent námsmat í glærukynningarverkefni.

Bekknum skipt upp í 3 – 4 manna hópa. Unnið á stöðvum.

•  Byrjað að undirbúa verkefni um fræga eðlisfræðinga.  Hóparnir lásu um merka menn og konur og velja sér einstakling til að fjalla um.
• Verkefni í eðlisfræði úr heftinu – Tími, lengd og hreyfing – bls. 20 -21.
• Tölvur – upplýsingaöflun og blogg.

4. janúar – 8. bekkur

Í þessum hlekk höldum við áfram með krafta og hreyfingu en fyrir jólin, þ.e.  26. október – 10. nóvember (hlekkur 4) unnum við með þetta en náðum ekki að klára sómasamlega.   Næstu tvær vikurnar fara í að klára efnið og skila af sér.   

Í dag glósuðu nemendur inn á glærur sem þeir fengu í 4. hlekk auk þess að svara spurningum úr efninu. Það er liður í undirbúningi undir að kynna veggspjöld sem þeir gerðu í lok 4. hlekks.

4. janúar – 7. bekkur

Við byrjuðum á 6. hlekk sem við köllum vísindavöku.  Nemendur völdu sér tilraunir sem þeir svo sýna og kynna fyrir hinum í næstu viku.

11. desember – 8. bekkur

Í dag var fjölbreytt verkefnavinna þar sem nemendur völdu um að búa til veggmyndir, teikna kvartílaskipti og sjávarföll í vinnubækur, vinna verkefnablöð úr efninu, undirbúa sig undir könnun sem verður næsta mánudag og við enduðum tímann á að fara í tölvuver og blogga.

7. desember – 7. bekkur

Nemendur undirbjuggu fyrirlestra á morgun um jarðsöguna og risaeðlur.

30. nóvember – 5. bekkur

Í dag var fyrirlestur um loftslag á Íslandi og nemendur fengu þessar glærur.

27. nóvember – 8. bekkur

Í dag var stöðvavinna þar sem nemendur unnu á sex stöðvum sem tengdust  lofthjúp og hvolfum.  Í lok tímans fóru allir í tölvuver og blogguðu.  Ég vil hvetja alla sem lesa þetta að skoða nemendabloggin þar sem þau eru flest afar vel unnin hjá nemendum og þeim til sóma.

25. nóvember – 5. bekkur

Unnum fjölbreytta stöðvavinnu þar sem efnið tengist eldgosum og flekaskilum.