19. – apríl – 8. bekkur

Við notuðum tímann til þess að fjalla um eldgosið í Eyfjafjallajökli.  Við skoðuðum myndir sem sendar hafa verið inn og hægt er að skoða hér.

Þessi mynd er tekin í Berjanesi undir Eyjafjöllum fyrir og eftir öskufall. Báðar myndirnar eru litmyndir.

19. apríl – 9. bekkur

Klárum varmakaflann – einangrun, þensla og hitastýring.  Varmaskipti ofl.

Rifjum upp rafmagn og ræðum eldgos og eldingar.

• Hvað segja almannavarnir um eldgos?
• Hvaða áhrif hafa eldgos á dýr?………… og meiri fróðleikur um það

• Flúor
• Flúormengun og menn

• RUV – aska undir Eyjafjöllum
• RUV – eldgos – gosmökkur – eldingar
• Eldingar á laugardag s.l.
• Hvernig myndast þrumur og eldingar?
• Eldingarfræðsla FSU

• Hægt er að fylgjast með eldingum kringum Ísland á eldingavefsíðu Veðurstofunnar.
• Hvernig skaða eldingar líkamann og hvernig má reyna að minnka þann skaða?
• Mikinn fróðleik um eldingar er að finna á Lightning and Atmospheric Electricity Research at the GHCC

14. apríl – 9.bekkur

Kíkjum á gosfréttir, stutt innlegg frá Bill Nye og bloggsíður nemenda.  Að því loknu tekur við stöðvavinna. 

Eftirfarandi í boði:

1. Helstu orkumyndir – útskýrðu og nefndu dæmi.
2. Samanburður celsíus- og kelvinkvarða – breytistuðlar
3. Þáttagreining í tilraunum.
4. Hugtakakort og glósur bragðbætt.
5. Hvaða tilgangi gegnir einangrun?
6. Framkvæmd tilraunar og skekkjugreining.
7. Nýting jarðvarma.
8. Lifandi vísindi – valin stutt grein og gerður úrdráttur – tengt viðfansefni dagsins.
9. Varmi og hiti – hver er munurinn?
10. Hvers vegna er meiri varmi í baðkari fullu af 40°C heitu vatni en í bolla sem inniheldur 70°C heitt kaffi? 
11. Hvernig virkar kæliskápur?
12. Eðlisvarmi.
13. Þensla fastra efna og daglegt líf.
14. Stálull og batterí – hvers vegna er það eldfimt samband?

Sem sagt úrvalið er nóg – vinnið sjálfstætt eða tvö og tvö saman.  Klárið að minnsta kosti 6 stöðvar og skilið niðurstöðum úr tímanum til kennara í lokin.

Gangi ykkur vel.

8. mars – 9. bekkur

Þjórsá – líffræði

Fyrirlestrartími í dag.  Glærur um vistkerfi – sérstök áhersla á Þjórsárver.

Nokkrir frumframleiðendur – upplýsingar fengnar frá Flóru Íslands:

Grasvíðir eða smjörlauf (Salix herbacea) er minnstur af íslenzku víðitegundunum. Hann er jarðlægur, sjaldan meir en 10-20 sm á hæð með kringlóttum blöðum. Hann er algengur um allt land upp fyrir 1000 metra, en hittist líka hér og hvar á láglendi. Aðalheimkynni grasvíðisins eru í snjódældum til fjalla, en einnig vex hann víða í mólendi eða jafnvel á mýraþúfum

Krækilyng (Empetrum nigrum) er ein af algengustu jurtum landsins og vex í lyngmóum, í grýttum melum og jafnvel í deiglendi.

Klófífa eða brok (Eriophorum angustifolium) vex í votlendi, mýrum og flóum. Hún er mjög algeng um allt land frá láglendi upp í 700-800 m hæð. Hún þekkist frá hrafnafífu á 3-4 eða fleiri öxum. Síðsumars mynda blöð hennar rauða fláka í flóum hálendisins.

15. febrúar – 7. bekkur.

Nemendur lærðu um taugakerfið í dag og fengu glærur.

15. febrúar – 6. bekkur.

Nemendur héldu áfram með verkefnin sín um fugla, fiska, skordýr, spendýr og blóm.  Þeir skila þeim af sér á morgun, auk þess eiga þeir að skila af sér vinnumöppum.

11. febrúar – 8. bekkur.

Síðastliðinn mánudag tóku nemendur próf úr efninu um hljóð og bylgjur.  Í dag fengu nemendur prófið sín til baka.  Við notuðum hluta tímans í tölvuveri þar sem nemendur fóru og skoðuðu vef sem læknanemar eru með og heitir vefurinn Ástráður, hann finnið þið hér.

10. febrúar – 5.bekkur.

Nemendur héldu áfram í dag að vinna í einstaklingsverkefnum um íslensk húsdýr og íslensk landspendýr.  Verkefnin þeirra eru í vinnumöppunum en við klárum þetta í næstu viku.

1. febrúar – 8. bekkur

Nemendur kláruðu kaflann um bylgjur í dag.  Næsta mánudag er próf úr efninu nema einhverjir taka prófið næsta föstudag. 

Það sem er til prófs eru bls. 85- 97 í bókinni Orkan.  Nemendur þurfa að lesa vel textann og glærur auk þess að skoða vel vinnubókina og læra þær myndir sem þeir teiknuðu utanbókar.  Nemendur mega ekki hafa bækur eða vinnumöppur með sér í prófið en þeir mega hafa með sér glósur á einu A4 blaði (handskrifað), skrifað báðum megin en glósublaðinu skila þeir í lok tímans og það gildir 10% einkunn.

Áherslurnar eru;

• að átta sig á samhengi milli hreyfinga sameinda og myndunar hljóðs.
• geta lýst hljóðbylgju sem fyrirbæri þar sem skiptast á þétting og þynning efnis.
• gert grein fyrir sveiflustærð/sveifluvídd, lögun, bylgjulengd og tíðni hljóðbylgju.
• átta sig samhengi milli tónhæðar og tíðni hljóðbylgju.
• borið saman sveiflustærð hljóðbylgju og styrk hennar.
• fyrir hvað stendur Herts
• fyrir hvað stendur Desíbel
• hljóðstyrkur – tónhæð

19. janúar – 7. bekkur

Í þessum hlekk ætlum við að læra um skynfæri og byrjuðum í dag að læra um sjón.  Nemendur fengu glærur og unnu ýmis verkefni sem tengdust efninu.