3. maí – 8. bekkur

Í dag héldum við áfram með 2. kafla í bókinni Einkenni lífvera.  Nemendur fengu glærur úr efninu og hægt er að nálgast þær hér. 

Áherslur þessa vikuna er á  nauðþurftir lífvera, þ.e.

• Lífverur þarfnast orku til þess að nota við efnaskipti. Sólin er frumuppspretta þeirrar orku sem langflestar lífverur nota.
• Allar lífverur þarfnast næringar og vatns.
• Lífverur taka til sín súrefni úr andrúmslofti eða súrefni sem er uppleyst í vatni og nota það við öndun. Plöntur nota koltvíoxíð til þess að búa til fæðuefni.
• Semkeppni er barátta um fæðu, vatn og orku.
• Samvægi er hæfni lífveru til þess að halda innra umhverfi líkamans í jafnvægi þótt skilyrði umhverfis breytist.
• Jafnheit dýr halda líkamshitanum stöðugum. Líkamshiti misheitra dýra sveiflast með hita umhverfisins.

Og efni í lífverum, þ.e.

• Frumefni eru hrein efni sem er ekki hægt að brjóta niður í smærri efni með hefðbundnum, efnafræðilegum aðferðum. Efnasambönd verða til þegar tvö eða fleiri frumefni hvarfast saman og bindast efnatengjum.
• Fæst ólífræn efnasambönd innihalda kolefni. Lífræn efnasambönd innihalda kolefni ásamt öðrum frumefnum, s.s. vetni og súrefni. Mikilvægustu lífrænu efnasamböndin í lífverum eru sykrur, fituefni, prótín, ensím og kjarnsýrur.
• DKS og RKS eru tvær mikilvægar gerðir kjarnsýrna. Þær varðveita upplýsingar um gerð prótína, stýra myndun þeirra og ákvarða þar með eiginleika hverrar lífveru.

Bruni næringarefna og offita

3. maí – 7. bekkur

Í dag lærðu nemendur um nýru og þveiti.  Nemendur fengu glærur um efnið.

3. maí – 6. bekkur

Í dag byruðu nemendur að vinna veggspjöld um veðrið. Við notum vefinn um veður og veðurfar til upplýsinga.

3. maí – 5. bekkur

Nemendur byrjuðu í skógarbókunum sínum í dag.  Þeir teiknuðu og skrifuðu um það sem við gerðum og fundum síðastliðinn miðvikudag í skóginum.

3. maí – 10. bekkur

Höldum áfram upprifjun.  Í dag tekur við eðlisfræði.  Nýtum okkur tímana í þessari viku og förum yfir efnafræði, eðlisfræði krafta, bylgjur og ekki má gleyma jarðeðlisfræðinni.  Þið fáið upprifjunarhefti í tímanum. Skoðum gamlar glósur og vikunni kíkjum við á gömul próf og vinnum nokkur verkefni.

En ekki má gleyma að kíkja á gosið í Eyjafjallajökli og svo vorboðana:

Skoðum nýjar fréttir af gosi.  …af mbl.is og vef veðurstofunnar

Nýjasta nýtt um hrossgaukinn af Journal of Experimental Biology.

Myndband af hrossagauksfjöður, blaktandi í vindi, má sjá á vef BBC.

Og svo hunangsfluga að lenda

3. maí – 9. bekkur

Fyrirlestrartími í dag.  Rifjum upp flokkun einfruma lífvera bæði dreifkjörnunga og heilkjörnunga.  Bætum við hugtakakortið og byrjum á svepparíkinu.  Glósur um sveppi.

Berserkjasveppurinn (Amanita muscaria)

• Gródreyfing sveppa – mesta hröðun mæld í náttúrunni!
• Góðar glósur frá FÁ
• Vísindavefurinn um sveppi.

Skoðum nýjar fréttir af gosi.  …af mbl.is og vef veðurstofunnar

Nýjasta nýtt um hrossgaukinn af Journal of Experimental Biology.

Myndband af hrossagauksfjöður, blaktandi í vindi, má sjá á vef BBC.

Og svo hunangsfluga að lenda

Kíkjum á nemendablogg